越火越式湯粉 (已結業)

突然間想食越南牛河，去咗橫街呢間，價錢好公道，幾抵食。四重享套餐 $108 化算，包括4項目，揀咗主食－牛肉丸湯河小食－春卷小食－扎肉米紙卷飲品－黑糖薑棗另外省點呢兩樣：話梅蜂蜜柚子茶火車頭湯粉 $76兩碗牛可都好大碗，火車頭果然好犀利，牛腩、牛肉片、牛伯葉、牛丸、魷魚，仲有好多芫荽同埋九層塔，冇九層塔就唔係越南味道啦，另外仲有青檸及辣椒可以加落湯，材料充足地道，好有心做，湯頭都幾清但係味道又好，河粉又滑。春卷做得好脆，皮薄餡靚。扎肉米紙卷幾大件，抵食。兩杯飲品之中我覺得話梅蜂蜜柚子茶夠特別，大大粒話梅，好飲。黑糖薑棗好多薑，甜到剛好。