影片
更多
2012-03-17
76 瀏覽
青年廣場是香港首座以青少年發展為主題的綜合中心, 由主座大樓及旅舍大樓兩部分組成, 分別樓高15層及12層, 「Palco 」位於主座大樓的4樓.此店主打意大利菜, 碟頭都唔細, 但價錢公道, 食物質數上乘, 只是地點不太就腳. 但整體來說都算是優秀的餐廳. 我們三人行, 分別要了三款不同的晚市套餐. 價錢按主菜收費, 包餐湯, 沙律, 甜品 和飲品. 跟餐另加 $38 享用紅酒或白酒. 我們要了紅酒一杯和白酒各一杯, 係智利出品, 都唔錯喎, 白酒比較重果味, 幾清新, 而且好夠凍, 紅酒就比較一般, 但都易入口同順喉.頭盤甘筍湯 - 湯有用攪拌器打過, 再加啲切得好細粒嘅甘筍粒, 沒有加忌廉, 我喜歡這種做法, 因為無咁漏.意大利風乾火腿沙律配蜜糖芥末醬 - 嗰沙律汁做得唔錯, 好醒胃, 但菜就唔夠新鮮脆口.主菜伏特加酒燴牛湳意大利飯忌廉汁 $168 - 落單時侍應問要唔要煮淋啲, 我就話唔使, 因為我喜歡食傳統意式生生哋, 有嚼勁那種, 果然不負所望. 牛腩是用美國牛坑腩, 炆得夠淋又入味, 正!香煎海鱸魚配海鮮雲吞伴龍蝦忌廉汁 $198 - 西餐魚始終都係雪過, 跟遊水魚梗係
此店主打意大利菜, 碟頭都唔細, 但價錢公道, 食物質數上乘, 只是地點不太就腳. 但整體來說都算是優秀的餐廳. 我們三人行, 分別要了三款不同的晚市套餐. 價錢按主菜收費, 包餐湯, 沙律, 甜品 和飲品.
跟餐另加 $38 享用紅酒或白酒. 我們要了紅酒一杯和白酒各一杯, 係智利出品, 都唔錯喎, 白酒比較重果味, 幾清新, 而且好夠凍, 紅酒就比較一般, 但都易入口同順喉.
頭盤
甘筍湯 - 湯有用攪拌器打過, 再加啲切得好細粒嘅甘筍粒, 沒有加忌廉, 我喜歡這種做法, 因為無咁漏.
意大利風乾火腿沙律配蜜糖芥末醬 - 嗰沙律汁做得唔錯, 好醒胃, 但菜就唔夠新鮮脆口.
主菜
伏特加酒燴牛湳意大利飯忌廉汁 $168 - 落單時侍應問要唔要煮淋啲, 我就話唔使, 因為我喜歡食傳統意式生生哋, 有嚼勁那種, 果然不負所望. 牛腩是用美國牛坑腩, 炆得夠淋又入味, 正!
香煎海鱸魚配海鮮雲吞伴龍蝦忌廉汁 $198 - 西餐魚始終都係雪過, 跟遊水魚梗係無得比嘞, 最緊要就係嗰汁要好味, 嗰龍蝦忌廉汁就真係好香濃~無得頂. 而配菜有海鮮雲吞, 食味好似廣東嘅鮮蝦雲吞, 都唔錯.
香煎美國 1855 肉眼扒配野菌雲吞伴黑松露砵酒汁 $258 - 美國 1855 肉眼扒批發價都要成本$98 一件, 肉嘅質數有一定保正, 我要五成熟, 嗰扒面有少少焦香, 裡面就好 juicy, 野菌雲吞伴又好甘香, 好滿足.
單尾
甜品 : 檸檬芝士餅, 因為已經好飽, 食到甜品已經無乜感覺了, 印象中覺得有檸檬味, 幾清新, 而且唔太甜.
跟飲品 : 咖啡香濃, 奶茶就更加好, 勁有茶香, 一定要試.
張貼
