紅蔥頭 (已結業)

傍晚時份相約朋友去太子弼街買貓糧，點知人算不如天算（下勁大雨）又冇帶雨傘點算好！為有上始創中心避兩，朋友到達後我建議先去醫肚先，朋友又不喜歡食日本嘢，為有上三樓睇下！到達三樓有間紅蔥頭餐廳，我們決定去試下，餐廳客人不多，經理帶我們到卡位，環境尚可以！服務員遞上餐牌，餐牌都幾到選擇喔！近排減肥中不食扒類！叫飯同意粉啦！三色椒茄子辣肉腸炒意粉這個意粉炒得不錯，意粉不硬不軟，茄子加上三色椒配辣肉腸非常好的配搭，意粉裡食出有種香菇味道！應該是用牛肝菌汁煮，好味！芝士焗菠蘿雞粒蛋包紅飯這個飯其實是茄汁炒飯，酸酸甜甜極為開胃，用蛋皮包住紅包，蛋皮好滑做得唔錯加上有少許芝士味，論買相味道給滿分！簡簡單單一餐已經好滿足，下次會再來！