琛仔小廚

營業中

休息中

我記得呢間鋪頭有好細間鋪，變咗而家自己獨立一間舖，初頭係細舖食佢啲嘢都覺得好好食， 今次起碼第四次過嚟森仔小廚食，佢啲價錢比出面平少少，我覺得好合理，而且佢啲款式都算多，於是我哋就叫咗兩個套餐，一個係羊架，一個係牛扒，牛扒仲做緊優惠價＄99，好抵食。 個餐湯都幾好飲，好濃嘅蘑菇味。個牛扒夠薄，好容易切，而且我哋叫咗七成，啱啱好，加配以蘑菇汁，食落去好惹味。但係個蘑菇汁唔夠，我哋再要添。另外一個係羊架，我最鍾意佢有唔同嘅薯菜、薯條、薯蓉揀，出面好少西餐廳有炸薯餅，所以我欣賞佢呢一樣野有好多選擇。相信嚟緊嘅日子都會再繼續幫襯！