緻 (已結業)

上星期去將軍澳donki買野，咁就順便係果到食埋飯。呢到都係做附近居民生意，當晚時間尚早所以大家都未出黎食飯。可以快快趣食返個安靜既晚餐。餐廳有做唔同折扣優惠，仲有$128清酒任飲！可惜我同呀媽都只愛飲梅酒，唔飲清酒😅當晚嗌左兩款定食再加幾款小食，所有定食配漬物 、沙律、湯同菓子，價錢好合理。自家製日式柚子雞皮(小辣) $38雞皮煙煙韌韌，食落酸酸辣辣，因為落左柚子汁同七味粉。秘製蒜香阿波尾雞金翼(2隻) $88堅大隻雞翼！阿波尾雞係日本產量第一地雞，肉質嫩滑，肉味香濃。小蕃薯 $34又香又甜。火炙海鮮丼定食 $218有6款火灸魚生 : 左口魚邊、油甘魚、帶子、鰹魚、三文魚、三文魚籽我最愛係火灸左口魚邊！咬落腍得黎又帶啲爽，有豐富既魚油，火炙完好香😋牛肉壽喜燒定食 $168有多塊牛肉，仲要塊塊都幾大嚿。個人認為個湯甜左少少。