醬缸韓國料理 (已結業)

灣仔都幾多韓國野食嫁，今日黎到968 巴士站旁邊嘅醬缸韓國餐廳食Lunch，無得訂台要齊人入，而且次次都要排隊，實有佢原因嘅，因為佢抵食又好味囉，排隊仔龍長，但其實好快都入到座，所以唔洗太擔心嘅。首先我地叫左個牛肉炒粉絲配飯，我地將牛肉轉左豬肉，佢無整係粉炒絲，一定要配飯。粉絲都幾入味，撈埋飯食都幾惹味。然後我地再要左個豬肉石鍋拌飯，辣醬自己食幾多加幾多，拌飯同平時韓國餐廳果d大同小異，無咩大特別，份量都足夠。最後就辣一辣，叫個辣炒年糕公仔麵，都幾辣嫁，不過好好味，入面有魚糕，有蛋，如果鐘意辣嘅人一定要試。最後埋單$184，中午無加一，唔收卡，三人食，每人平均$60，係灣仔黎講食個中午飯算Okay嫁啦。