越一越南牛肉粉專門店 (已結業)

上星期四晚食過呢間越南菜餐廳，試咗2人餐，份量好多而去價錢吸引，最重要係味道都好好，值得推介生牛肉河粉。牛肉片薄得嚟唔怕太少太寡，味道濃郁。河粉亦好多，上枱時牛肉仲係粉紅色，浸泡多一陣就熟晒，時間控制得剛剛好。香茅豬扒金邊粉。豬扒滿滿的一碟，厚度足足一支筷子尾咁，而且香口嫩滑。重重的香茅味令人食指大動！伴碟的青檸及辣椒片亦都令湯底更加昇華。牛油雞翼。濃厚的牛油味包圍著雞翼，口腔內每一寸空間都充斥著爆香的蒜蓉及牛油的甘香味！雞翼好厚肉而且好有味，給我一碗粉或麵，簡直可以作一主菜食！越南春卷4件（小食）春卷炸得熱辣辣上枱。外皮鬆脆而內面仍保持多汁滋味。內面的陷數唔清楚，應該有蘿蔔、木耳、椰菜、豬肉、蝦肉、冬菇等等，多重的口感非常吸引！上湯生菜。