影片
更多
2024-04-27
94 瀏覽
呢間銅鑼灣串燒居酒屋，真係好抵食香港餐飲真係要跟住個時勢走，好多人離開哂上哂深圳搵食離不開幾個問題，服務唔好、員工西口西面、個場無客仲要你限時交枱、價錢貴、仲要唔好食，咁搵阿水去食咩？！其實作為消費者平時收工食餐飯都係想搵間近近地既餐廳啫，如果我收工仲要出來受氣既話我寧願唔食，儲埋一劑過返上去食好d好過。你話香港餐飲係咪無得做呢？我見到既係一個去弱留強既時間，仲有一班人係有心有力有腦0係呢個艱難時間努力經營緊好似呢間串燒店咁，我8點上到去基本上座無虛席，仲要不停有新客walk in入來，當下我就好奇問D Staff平時都咁多客架？佢答我：係呀，每日都差不多，都係咁爆場架。我再望下個餐牌就知道原因，一個字平 $17一串既價錢，可以叫食到上至牛柳、牛心、雞柳大蔥串，下至 秋葵、冬菇、日本番薯仔不下十八款串燒，仲要食物質數唔差過wo,串串大大件，無話價錢平左就俾少d你。另外佢地仲有做會員制度，消費有分儲，做回頭客人。仲要個場咁忙，我又坐正風口位，想換個位置坐，佢地都無西面幫我調位，成枱野食幫我攞哂過枱，你可以話呢d係基本服務啫，但當你試過其他西……餐廳既時候，就算你俾別人做多少少，都勝過其他
香港餐飲真係要跟住個時勢走，好多人離開哂上哂深圳搵食離不開幾個問題，服務唔好、員工西口西面、個場無客仲要你限時交枱、價錢貴、仲要唔好食，咁搵阿水去食咩？！
其實作為消費者平時收工食餐飯都係想搵間近近地既餐廳啫，如果我收工仲要出來受氣既話我寧願唔食，儲埋一劑過返上去食好d好過。
你話香港餐飲係咪無得做呢？我見到既係一個去弱留強既時間，仲有一班人係有心有力有腦0係呢個艱難時間努力經營緊
好似呢間串燒店咁，我8點上到去基本上座無虛席，仲要不停有新客walk in入來，當下我就好奇問D Staff平時都咁多客架？
佢答我：係呀，每日都差不多，都係咁爆場架。
我再望下個餐牌就知道原因，一個字平
$17一串既價錢，可以叫食到上至牛柳、牛心、雞柳大蔥串，下至 秋葵、冬菇、日本番薯仔不下十八款串燒，仲要食物質數唔差過wo,串串大大件，無話價錢平左就俾少d你。
另外佢地仲有做會員制度，消費有分儲，做回頭客人。
仲要個場咁忙，我又坐正風口位，想換個位置坐，佢地都無西面幫我調位，成枱野食幫我攞哂過枱，你可以話呢d係基本服務啫，但當你試過其他西……餐廳既時候，就算你俾別人做多少少，都勝過其他競爭對手！
時代唔同啦，消費者見經濟唔好就慳住啲錢用， 無可厚非 ，但佢地唔係唔消費，出去日本、泰國旅行消費既真係大撚把，但始終香港都係我地既家，我地都係想香港會變好，有好餐廳同就腳方便、價錢合理既，自己人都係會撐自己人既。
所以話沒有害死人環境既，只有不思進取嘅你。
#銅鑼灣美食 #香港美食 #香港串燒 #香港旅遊 #相機食先 #居酒屋 #香港探店 #美食打卡
張貼
