影片
更多
2020-10-10
37 瀏覽
今日嚟試嘅呢間泰國餐廳，嗌咗兩個餐，分別係滑蛋燒鰻魚大碗飯 同 招牌燒豚肉飯。嗌一個餐分別會有一個三色小食同一個餐湯，咁啱我嗌兩個餐就試晒兩款湯，冬陰功湯 同 肉丸扎肉鮮雞湯，另外再嗌左個 芝士蘑菇忌廉雞翼。首先，我覺得幾抵讚嘅一樣嘢就係個前菜。個前菜有酸辣鳳爪、蛋沙律同魚餅。出面平時食嘅前菜其實都整得比較Hea，意想不到嘅係，我食個魚餅嘅時候佢仲係熱嘅，真心抵讚。個蛋沙律有啲似七仔三文治嗰隻，但係個人覺得幾好食。至於嗰兩款湯，冬陰功湯算係幾好，而鮮雞湯就有少少可以改善嘅地方。冬陰功湯做得幾好嘅位在於佢個酸辣做得好平均，本身見佢奶白到呢隻色，諗住會好重奶味，但係飲落又唔會好覺，而個甜味都出到黎。個雞湯尚算不錯嘅，但係可能佢真係落得比較多雞，啲油有點多😂。至於主菜，我覺得個招牌燒豚肉飯尚算不錯，啲豚肉有啲似韓烤嗰種燒肉。滑蛋燒鰻魚個鰻魚中中挺挺，正常水準，但係個滑蛋可能煮耐左少少，冇想像中咁滑。同埋都食得出兩個飯底都係用泰國米，煮得比較乾身，個人覺得乾身嘅飯唔係好襯燒鰻魚飯，但係搭落燒豚肉飯都還可以。不過同行友人就覺得都幾夾，唔係太大影響。小食方面，整體上價錢都幾合理。而我嗌嗰個芝士雞翼
今日嚟試嘅呢間泰國餐廳，嗌咗兩個餐，分別係滑蛋燒鰻魚大碗飯 同 招牌燒豚肉飯。嗌一個餐分別會有一個三色小食同一個餐湯，咁啱我嗌兩個餐就試晒兩款湯，冬陰功湯 同 肉丸扎肉鮮雞湯，另外再嗌左個 芝士蘑菇忌廉雞翼。
首先，我覺得幾抵讚嘅一樣嘢就係個前菜。個前菜有酸辣鳳爪、蛋沙律同魚餅。出面平時食嘅前菜其實都整得比較Hea，意想不到嘅係，我食個魚餅嘅時候佢仲係熱嘅，真心抵讚。個蛋沙律有啲似七仔三文治嗰隻，但係個人覺得幾好食。
三色小食
3 瀏覽
0 讚好
0 留言
至於嗰兩款湯，冬陰功湯算係幾好，而鮮雞湯就有少少可以改善嘅地方。冬陰功湯做得幾好嘅位在於佢個酸辣做得好平均，本身見佢奶白到呢隻色，諗住會好重奶味，但係飲落又唔會好覺，而個甜味都出到黎。個雞湯尚算不錯嘅，但係可能佢真係落得比較多雞，啲油有點多😂。
4 瀏覽
0 讚好
0 留言
1 瀏覽
0 讚好
0 留言
至於主菜，我覺得個招牌燒豚肉飯尚算不錯，啲豚肉有啲似韓烤嗰種燒肉。滑蛋燒鰻魚個鰻魚中中挺挺，正常水準，但係個滑蛋可能煮耐左少少，冇想像中咁滑。同埋都食得出兩個飯底都係用泰國米，煮得比較乾身，個人覺得乾身嘅飯唔係好襯燒鰻魚飯，但係搭落燒豚肉飯都還可以。不過同行友人就覺得都幾夾，唔係太大影響。
2 瀏覽
0 讚好
0 留言
3 瀏覽
0 讚好
0 留言
小食方面，整體上價錢都幾合理。而我嗌嗰個芝士雞翼都做得唔錯，芝士蘑菇搭忌廉真係冇得輸。不過如果個芝士再溶多少少，個texture似拉絲會好食好多。
2 瀏覽
0 讚好
0 留言
嘢飲嗌咗凍檸茶同龍眼冰，凍檸茶正常發揮，係個紅茶味冇咁出。至於龍眼冰略嫌甜得滯，可能佢本身啲龍眼比較甜，因為佢都落得多龍眼，一杯有成10粒。
2 瀏覽
0 讚好
0 留言
7 瀏覽
0 讚好
0 留言
兩個定食套餐，一個小食加兩杯嘢飲，兩舊水鬆啲，晚市來講都算可以接受。
張貼
