影片
更多
2018-05-06
140 瀏覽
尖沙咀真係一個西餐廳林立嘅地方，有平民級嘅港式扒房去到有米之蓮星嘅西餐廳都應有盡有，由慶祝朋友生日去到情侶之間嘅燭光晚餐，呢個地方總有一間啱你心水，我今日就同朋友去咗尖沙咀一間開咗多年嘅西餐廳Wing’s kitchen。餐廳環境同裝修嘅風格方法都偏向西式浪漫嘅情調，近街嘅座位仲可以一路食飯一路欣賞五光十色嘅尖沙咀繁華。食物方面我哋就叫咗個凱撒沙律開開胃，德國豬手作為我大胃王的小食，龍蝦配牛柳做主菜，仲叫咗個夏威夷pizza。凱撒沙律同德國豬手大概15分鐘左右就上咗菜，豬手真係份量十足，外皮燒到焦脆令皮下脂肪滲走從而減少油膩嘅感覺，燒豬手嘅時間用啤酒不停係豬皮嘅表面噴灑令到豬皮表皮有一層好薄嘅脆面，封鎖住裏面嘅肉汁同埋香氣，當你一切開豬手嘅時間裏面肌肉有份撲鼻嘅香百里香香味，食落有淡淡嘅鹽香，黑椒味十足之餘肉汁仲不停流出嚟！配合充滿火箭菜既沙律一同食真係天衣無縫。之後就到龍蝦牛柳，一上枱賣相已經非常之吸引，朋友仲忍唔到手瘋狂影相打卡，龍蝦足足有一隻手掌嘅長度，肉質彈牙鮮甜，呢種鮮甜只有新鮮嘅龍蝦先至會有。三成熟嘅牛柳切落去質感就好似海綿蛋糕一樣非常之軟熟，肉汁由中心點慢慢滲出，煎牛柳嘅
餐廳環境同裝修嘅風格方法都偏向西式浪漫嘅情調，近街嘅座位仲可以一路食飯一路欣賞五光十色嘅尖沙咀繁華。
食物方面我哋就叫咗個凱撒沙律開開胃，德國豬手作為我大胃王的小食，龍蝦配牛柳做主菜，仲叫咗個夏威夷pizza。
凱撒沙律同德國豬手大概15分鐘左右就上咗菜，豬手真係份量十足，外皮燒到焦脆令皮下脂肪滲走從而減少油膩嘅感覺，燒豬手嘅時間用啤酒不停係豬皮嘅表面噴灑令到豬皮表皮有一層好薄嘅脆面，封鎖住裏面嘅肉汁同埋香氣，當你一切開豬手嘅時間裏面肌肉有份撲鼻嘅香百里香香味，食落有淡淡嘅鹽香，黑椒味十足之餘肉汁仲不停流出嚟！配合充滿火箭菜既沙律一同食真係天衣無縫。
之後就到龍蝦牛柳，一上枱賣相已經非常之吸引，朋友仲忍唔到手瘋狂影相打卡，龍蝦足足有一隻手掌嘅長度，肉質彈牙鮮甜，呢種鮮甜只有新鮮嘅龍蝦先至會有。
三成熟嘅牛柳切落去質感就好似海綿蛋糕一樣非常之軟熟，肉汁由中心點慢慢滲出，煎牛柳嘅火候掌握得非常之好！食落口又有非常之濃郁嘅牛味，只係需要少少嘅海鹽做提鮮，真係一個非常之奢華嘅主菜。
去到食最後嘅夏威夷薄餅，上枱嘅時間熱辣辣出晒煙，即叫即整嘅Pizza果然真係唔同啲，
有三種唔同嘅芝士造成拉絲同埋煙韌嘅芝士口感，Pizza底就用厚身嘅底配合厚切大粒嘅菠蘿造成多汁口感，再有簡單嘅煙肉同菠蘿成為絕配，煙肉既油脂經過高溫處理由Pizza面吸收，令到Pizza充滿煙燻同油香既口感。
一道好食嘅西餐嚴格嘅食材選料只係基本，去到廚師烹調嘅手法，侍應用心嘅服務，去到咁多年後嘅今日都嚴格遵守，價錢上更加係物超所值，Wing’s kitchen好多人都話係尖沙咀第一嘅西餐廳真係當之無愧。
張貼
