Cova Pasticceria & Confetteria

營業中

休息中

今日朋友上嚟，買咗四件Cova蛋糕，一人一件，太開心了🥳。我最鍾意朱古力慕絲蛋糕❤️，因為佢嘅慕絲朱古力味好香濃，口感好軟好滑，上面嘅生果都好新鮮同香甜。第二最愛係藍莓芝士蛋糕，佢嘅口感比較似慕絲，應該係軟芝士。藍莓醬好濃藍莓味，甜度啱啱好，藍莓清甜，芝士味淡淡地喺口中散發出嚟，好食😋。另外兩件不相伯仲，分別係雜果蛋糕配開心果碎同士多啤梨芝士蛋糕。雜果蛋糕好食之處在於佢有開心果碎鋪面，好香，味道同蛋糕好夾，亦增加咗蛋糕口感嘅層次。士多啤梨芝士蛋糕就同藍莓嗰個差唔多。