小倆口台式漢堡蛋餅專賣店 (已結業)

之前睇雜誌睇新聞都見到好似好吸引咁， 特登星期日就過嚟食，蛋餅正正常常質素普通，落料比得好孤寒，奶茶亦都好明顯係開粉沖但無所謂啦。再黎就呢個$78嘅漢堡包，個樣好似比車撞過咁，唔怪得佢拎黎嗰陣都話唔好意思，仲要漏咗芝士，同店員反映左之後，佢話唔好意思漏咗芝士笑笑口就諗住行開，我呆左，漏咗唔緊要，但佢完全冇諗過加返落去，佢諗住博個客當冇事又可以慳返。漢堡包啲牛肉又乾又硬，咁嘅餐廳俾幾多錢落閘宣傳，但啲食物質素咁差，唔會有下次！