C'est Bon (已結業)

係東涌搵唔到野食，所以轉陣到青衣，本來係食隔離個間法國菜，因為我上次食完之後讚口不絶，不過朋友話不如一齊試新野，所以揀咗C'est Bon。九點幾先到，都 好full。兩個人order 咗9 courses set。三文魚、帶子salad/cesear salad、 鵝肝、龍蝦/雜菜湯、雪芭、蒜香意粉、羊仔鞍、自選甜品、coffee/tea麵包籃唔熱，ｄ包好硬，不過牛油都幾好味三文魚/雪芭(柚子味)/羊仔鞍/帶子salad - 都好普通cesear salad - 份量唔細，菜好新鮮，不過個source比較淡鵝肝 - 係全晚最好味既一道菜，煎得香香，加埋無花果同焦糖汁，一流! 龍蝦湯 -放底時好香、但飲落超咸同有陣陣既苦味，我真係頂唔順佢呢種味，後黎換咗個雜菜湯。雜菜湯個味都係好濃，亦偏咸，但仍比龍蝦湯好飲好多。甜品 - 揀咗暖心朱古力+vanila 雪糕同Tiramisu，Tiramisu大路野，無咩驚喜； 暖心朱古力，唔夠熱，而且個朱古力味唔夠重。至於環境，枱與枱之間好密，大部份既二人枱中間用絲巾間開。雖然無眼神既交流，但聽得非常清楚隔離枱既對話。至於service，整體都好有禮貌