泰糯米 (已結業)

佢呢隻千層糕有分斑蘭同埋碟豆花兩隻味。班蘭味食落就椰汁味比較香，而蝶豆花小編就覺得花香味超勁，不過就有啲似廁所啲清新劑味。接唔接受到就見仁見智啦！不過小編覺得食落都幾好味，煙煙韌韌咁簡直係小編嘅至愛，而且亦都唔係好貴絕對係值得一試架！佢呢個玫瑰水晶好特別，外層有水晶膠包住而裏面嗰層就係千層糕。千層糕就有斑蘭同蝶豆花兩隻味。玫瑰水晶糕集煙韌同爽口，兩種不同嘅口感於一身，真係幾特別下。另外呢集咁創新嘅甜品係店主特創，而且個樣又靚。試問又點可以唔買來試吓呢？如果想知道中間嘅千層糕嗰個食評嘅話可以留意睇返上面。佢呢個食落就冇玫瑰千層糕嗰隻咁煙韌，另外椰汁味都唔及玫瑰果隻咁香。不過佢食落口感就有啲彈牙嘅感覺，不過相比坊間嗰啲又真係好食啲嘅。但佢尼一個每日最多都係得40盒左右。整一底都要兩、三個鐘時間。絕對係心血嘅製成品嚟架！大家經過都可以買黎試吓，小編覺得都食得過。