影片
更多
2023-04-23
33 瀏覽
朋友喺附近返工，今日去左佢地頭試吓有咩新餐廳食。俾我哋經過咗呢一間巴剎雞飯個名好似幾特別，一於入去試吓，工業風嘅裝修自己好鍾意。我哋兩個叫咗: 巴剎雞撈麵($48):巴剎雞我諗係佢哋嘅招牌菜，好似海南雞咁樣亦都煮得滑身同埋好嫩。雞件份量都算幾多，而且撈麵味道啱啱好唔會過鹹或者過淡，麵身煮得幾好，自己唔鍾意啲好淋嘅麵，所以呢一個配搭幾好。男士嘅話可能會略嫌一碗份量唔太飽肚，可能要配搭一個小食。山打根皮蛋餃湯麵($46): 呢個係俾佢個名吸引咗所以叫嘅，上菜嘅時候一碗湯麵有四粒皮蛋餃，食落去其實同普通餃子唔係好有分別，都係包咗豬肉，只係多咗一粒皮蛋係中間，鍾意食皮蛋嘅可以試下，因為皮蛋味都算重嘅，而且出邊好似冇乜呢一個配搭。如果想食嘅可以叫一碗淨皮蛋餃，因為湯麵嘅湯底比較淡，自己加咗佢哋秘製嘅醬油落咗少少味。炭燒沙嗲豬同雞(各三串) ($88): 真係用炭爐上嘅，感覺好的骰好特別。見到真係燒咗有窿邊，食上去好有炭燒味，再配上沙嗲醬好似去咗泰國食串燒咁樣，感覺都好地道。豬肉亦都食唔到有筋，每串大概有四舊左右，啖啖肉。咖央手抓餅($28): 搽咖央喺手抓餅上面再配上椰絲同埋芝麻呢個組合都幾特別
我哋兩個叫咗:
巴剎雞撈麵($48):巴剎雞我諗係佢哋嘅招牌菜，好似海南雞咁樣亦都煮得滑身同埋好嫩。雞件份量都算幾多，而且撈麵味道啱啱好唔會過鹹或者過淡，麵身煮得幾好，自己唔鍾意啲好淋嘅麵，所以呢一個配搭幾好。男士嘅話可能會略嫌一碗份量唔太飽肚，可能要配搭一個小食。
山打根皮蛋餃湯麵($46): 呢個係俾佢個名吸引咗所以叫嘅，上菜嘅時候一碗湯麵有四粒皮蛋餃，食落去其實同普通餃子唔係好有分別，都係包咗豬肉，只係多咗一粒皮蛋係中間，鍾意食皮蛋嘅可以試下，因為皮蛋味都算重嘅，而且出邊好似冇乜呢一個配搭。如果想食嘅可以叫一碗淨皮蛋餃，因為湯麵嘅湯底比較淡，自己加咗佢哋秘製嘅醬油落咗少少味。
炭燒沙嗲豬同雞(各三串) ($88): 真係用炭爐上嘅，感覺好的骰好特別。見到真係燒咗有窿邊，食上去好有炭燒味，再配上沙嗲醬好似去咗泰國食串燒咁樣，感覺都好地道。豬肉亦都食唔到有筋，每串大概有四舊左右，啖啖肉。
咖央手抓餅($28): 搽咖央喺手抓餅上面再配上椰絲同埋芝麻呢個組合都幾特別，自己都幾鍾意，首先咖央醬唔會太厚，配上新鮮煎起嘅手抓餅脆脆地而且好鬆亦都唔算太甜。如果可以再切咗先上菜嘅話會更加好
冰菊普洱冷泡茶($20): 飲品先上，係用茶包沖嘅，冇加糖架(好唔鍾意啲冷泡茶入邊會加糖嘅舖頭)。冰菊普洱飲落去第一啖嘅感覺好似飲緊菊花茶咁樣，普里味會慢慢先滲出嚟，呢個比較少喺其他舖頭會見到嘅，可以一試。
總結：呢間餐廳都算幾有特色，而且餐牌上面好多嘢都係其他舖頭冇嘅，值得試吓。價錢亦都大眾化唔算好貴，同朋友嚟嘅話可以叫多幾樣小食大家share食。
張貼
