元朗新記 (鴻運樓)

營業中

休息中

今日放假，到下午茶的時間先食午餐。家人又唔太肚餓，所以諗住叫個麵加份腸粉就算。於網上外賣平台揾到元朗老字號，新記正做緊優惠，就決定幫襯。家人叫咗魚蛋片頭河，河粉好厚，而且又散，魚蛋及片頭十分普通。我叫咗雲吞墨魚丸雙拼撈麵，撈麵尚算OK, 雲吞及墨魚丸同樣一般，基本上同是但一間麵檔無分別。炸兩腸粉，炸兩已經淋晒，腸粉同樣係好厚。整體價錢大眾化，不過食物的質素方面只屬一般，尤其係河粉的質素應該係唔合格。