富臨酒家

營業中

休息中

今日返工已經好攰，放工返到屋企已經唔想煮飯，唯有同屋企人一齊出街食啦，朋友話富臨嘅晚餐唔錯而且又抵食，咁就一於去試吓啦。阿媽話我最近工作辛苦，所以叫咗個豬肺湯比我飲，湯好夠味，而且又冇味精飲完唔會覺得好口渴，而且覺得好真材實料，因為淨係湯渣都已經一大碟，豬肺洗得乾淨不特止而且好淋身，充滿陣陣嘅菜乾味，簡直一流海參花菇玉掌煲，你未菜色香味俱全，海參厚實又爽口而且好大件，鵝掌入味得來又淋身，而且個底有差唔多五隻大花菇，爽口彈牙又厚肉，至於果汁鮮味得來又唔會太濃，用黎送飯一流黑椒頂級牛仔骨煲非常惹味，食落充滿牛香，有咬口唔會鞋拾拾！配菜有炸至金黃色嘅薯仔，令人十分滿足！