影片
更多
2023-03-21
2531 瀏覽
💁♂️ 14/3/2023(Tue), Lunch🍽💁♂️A先生由中學時代開始，一直去到大學都喺西營盤呢邊度過，所以對呢區比較有多啲接觸，即使到而家畢業咁多年之後，佢都係繼續返嚟呢區佢幫趁開既髮型屋💈去剪頭髮💇🏻。呢一日佢剪完頭髮之後，就去咗佢咁耐都無食過既叁去壹食個佬味十足既午飯先。環境方面，始終都係舊式老店，裝潢當然都係比較舊同不修邊幅，不過嚟得呢度都係為咗食一份懷舊既味道同傳統手作點心，對環境又唔會太在意，不過衛生方面呢度都可以既，枱櫈同餐具都係乾淨既。剪頭髮前經過都見到有外籍人士/遊客嚟食，但剪完頭髮之後既午飯時間，食客就以街坊或者職業司機為主。而今日A先生order咗：🔆 鮮蝦餃（$21）唔似而家酒樓普遍食到既蝦餃皇，呢度既蝦餃比較細粒，一籠有四粒。皮唔係薄身既、但亦無咁易夾爛塊皮。蝦餃皮入面包住蝦肉🦐、肥豬肉🐷同埋筍粒，味道正正就係細個時食蝦餃既味。即叫即蒸，上枱新鮮熱焫。🔆 鮮竹雞札（$20）A先生食點心必叫既雞札，用腐皮包住雞肉、冬菇、瘦肉同埋芋頭。未算係最傳統既雞札，始終都無咗塊吸汁一流既魚肚，但呢度又保留咗瘦肉呢款外邊酒樓已經好少見既配料。🔆 豉汁排骨飯（$26）呢
💁♂️ 14/3/2023(Tue), Lunch🍽
💁♂️A先生由中學時代開始，一直去到大學都喺西營盤呢邊度過，所以對呢區比較有多啲接觸，即使到而家畢業咁多年之後，佢都係繼續返嚟呢區佢幫趁開既髮型屋💈去剪頭髮💇🏻。呢一日佢剪完頭髮之後，就去咗佢咁耐都無食過既叁去壹食個佬味十足既午飯先。
環境方面，始終都係舊式老店，裝潢當然都係比較舊同不修邊幅，不過嚟得呢度都係為咗食一份懷舊既味道同傳統手作點心，對環境又唔會太在意，不過衛生方面呢度都可以既，枱櫈同餐具都係乾淨既。
剪頭髮前經過都見到有外籍人士/遊客嚟食，但剪完頭髮之後既午飯時間，食客就以街坊或者職業司機為主。
而今日A先生order咗：
鮮蝦餃
$21
95 瀏覽
1 讚好
0 留言
🔆 鮮蝦餃（$21）
唔似而家酒樓普遍食到既蝦餃皇，呢度既蝦餃比較細粒，一籠有四粒。皮唔係薄身既、但亦無咁易夾爛塊皮。蝦餃皮入面包住蝦肉🦐、肥豬肉🐷同埋筍粒，味道正正就係細個時食蝦餃既味。即叫即蒸，上枱新鮮熱焫。
鮮竹雞札
$20
75 瀏覽
0 讚好
0 留言
🔆 鮮竹雞札（$20）
A先生食點心必叫既雞札，用腐皮包住雞肉、冬菇、瘦肉同埋芋頭。未算係最傳統既雞札，始終都無咗塊吸汁一流既魚肚，但呢度又保留咗瘦肉呢款外邊酒樓已經好少見既配料。
豉汁排骨飯
$26
121 瀏覽
0 讚好
0 留言
🔆 豉汁排骨飯（$26）
呢度既蒸飯食得出係原盅蒸既，飯粒蒸得晶瑩剔透、粒粒分明，食落爽身沒有多餘既水份，混合埋排骨既肉汁同豉油，A先生好快就食完呢一盅飯。排骨都有好多件，食落肉質爽彈，調味恰巧，沒有太濃味去蓋過米飯🍚既味道，係一盅高質素既蒸飯。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤(4/5)
👉🏻 懷舊點心質素高，價錢實惠。雖則係老店，但店員都親切友善，仲好歡迎影相
👉🏻 要留意返店舖係兩點半關門，A先生兩點去到都有部分點心同蒸飯已經賣完
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 泊車可以選擇第一街或者再上去高街既錶位
👉🏻 公共交通方面，由港鐵西營盤站行過嚟都係10分鐘左右；亦有大量小巴、巴士線途經；如果搭電車就要行一段斜路先上到
🔆🔆🔆🔆🔆🔆🔆🔆🔆🔆🔆🔆🔆
題外話/補充資料：
要留意返店舖係兩點半關門，唔好太遲去
(以上食評乃用戶個人意見 , 並不代表OpenRice之觀點。)
張貼
