Story Steak & Pasta (已結業)

想平平地唔多花巧實際啲食餐西餐，Story 就啱哂啦，午餐47及52蚊，多款任揀。裝修簡單雅致，啲櫈都好好坐，午市常常爆滿。朋友揀左黑椒牛肩肉意粉（$52），牛肩肉味濃唔韌好食，但意粉略微生左啲唔太熟，整體都滿意。自己就揀左香煎羊架配薯蓉（$52）羊架兩件，煎得香口又肉質鬆軟，食落有少少正常羊肉羶味，但咬落肉汁鎖住好咬口，以52蚊免加一嚟講整體滿意嘅，但就唔會飽囉，因為太好食就會覺得唔夠食。跟餐熱咖啡都對辦，好飲。