豪景海鮮火鍋酒家 (已結業)

因為探親友跑到屯門搵野食。豪景位於建生商場內，典型屋村酒樓的裝修和格局。建生輕鐵站位於門口不遠處，下車即可直抵，交通十分便利。特價菜牌小菜平均價錢$40-$60，價錢尚算經濟實惠。五人點了晚飯孖寶的白灼海蝦拼燒雞半隻。海蝦足有一斤重，又夠晒新鮮彈牙；燒雞外皮金黃香脆，肉質鮮嫩可口，孖寶賣價約$130抵食！另外朋友們點了四隻炸軟殼蟹，個人怕太肥膩沒有嘗試，但朋友都讚甘香鬆脆。此外還點了些小菜和炒飯，這楊州炒飯還特別吩咐加入蝦醬炒，結果當然特別惹味香口。最後幾個朋友個個捧腹而歸。