影片
更多
2014-05-07
3199 瀏覽
如果不是同事說起，我完全不知道公司附近開了新的韓食店(仲要已經開左至少一個月以上....老闆真係要諗下點宣傳)，既然新開我地決定試下食lunch，12:40去到，門口有個大大嘅都敏俊車長迎賓，最初以為係poster點知原來係韓國最興嘅手畫壁畫，很像真。卡位旁有火車窗口壁畫，地下瓷磚也是火車軌圖樣，裝修都幾有特色，不過坐低之後就有啲擔心，間店面積不少又係lunch hour, 居然坐左10分鐘都仲係得我地一枱客，當時諗：吾會係黑店掛.....Lunch set 我地叫左2個伴飯1個包飯，伴飯80包飯120, 輪lunch價錢比隔離小巷韓食店貴。好快5個小碟上場，味道好好，泡菜不會太辣，啱香港人口味，問過店員，小碟是可以再添的，不過我們沒有再添，因為主菜接著就上場。伴飯其實係石煱飯，不過佢另外有一碟俾你加入去，撈完再食，其實吾係特別，不過好味道，辣醬雞伴飯比較好味，吾辣嘅豬肉伴飯無甘野味，我問店員攞左支韓式伴飯辣醬，甜甜地少少辣，加左之後就勁好味，同我係韓國食嘅味道好似。另一個包飯值得推介，$120餐有一大碟吾同款式蔬菜，佢話全部係韓國直送有機蔬菜，雖然吾知係真定假，不過啲菜的確好新鮮好甜
Lunch set 我地叫左2個伴飯1個包飯，伴飯80包飯120, 輪lunch價錢比隔離小巷韓食店貴。
好快5個小碟上場，味道好好，泡菜不會太辣，啱香港人口味，問過店員，小碟是可以再添的，不過我們沒有再添，因為主菜接著就上場。
伴飯其實係石煱飯，不過佢另外有一碟俾你加入去，撈完再食，其實吾係特別，不過好味道，辣醬雞伴飯比較好味，吾辣嘅豬肉伴飯無甘野味，我問店員攞左支韓式伴飯辣醬，甜甜地少少辣，加左之後就勁好味，同我係韓國食嘅味道好似。另一個包飯值得推介，$120餐有一大碟吾同款式蔬菜，佢話全部係韓國直送有機蔬菜，雖然吾知係真定假，不過啲菜的確好新鮮好甜，我全程淨食菜已經好滿足
個餐另外包一碗大醬湯一碗白飯一小碟牛肉，相對碟蔬菜，碟牛肉份量比較少，鍾意食肉嘅男士肯定吾夠食，不過鍾意食菜的女士，一個餐兩份食再加個炒年糕就肯定會飽。全店除了一個小妹妹店員會說廣東話，其他的店員(估計是老闆和老闆的親人)都只會說韓語和不易聽懂的國語英語。另外我地坐到1點幾，終於有其他客人，而且一半都係韓國客(乜我公司附近有甘多韓國人返工嘅咩？)，估計呢間餐廳嘅食物都幾地道。
總括黎講餐廳環境味道服務都好好，價錢同附近相比略貴，不過碟菜值回票價。
張貼
