大門拉麵 (屯門市廣場1期)

營業中

休息中

見呢間拉麵幾多人排，又見價錢幾實惠所以就去食下，叫咗個以舖頭名命名嘅「大門拉麵」賣相OK，同餐牌有9成似，湯底都夠深色，睇落唔錯但係，飲完頭啖湯就知出事，湯底唔稀，但飲落俗而無味，甚至令我懷疑係咪「日本直送」令到個湯底揮發晒啲味麵係用粗麵，有少少鹼水味，做沾麵ok，但湯麵真係不了。粗麵嘅濃味搶哂成碗麵嘅形象，湯拉麵應該係湯佔6成整體風味，但呢個拉麵真係同食淨麵無分别，叉燒無其他舖嗰種烤香味，似白烚，肉味唔夠嘅程度係我只知道自己放咗舊外表係叉燒嘅白肉入口唯一正常有味嘅係塊紫菜，食嗰陣簡直覺得好似喺地獄得到救贖一樣我自問對拉麵要求唔高，屯門另外其他拉麵舖我都覺得好食，加麵都食得晒，最多飲剩啲湯，唯獨依間嘅湯麵我係第一次食剩。對我而言真係可一不可再。