薩莉亞意式餐廳 (平田商場) (已結業)

黃氏力場今日去到冇得輸嘅地方食西餐，點解咁講，因為一家三口只需要$120已經有意粉Pizza同埋小食作為豐富嘅晚餐，這就是薩利亞！細細個已經聽過你個名，今次都係第一次同你食嘢！哈哈哈！估唔到啲嘢都OK喎！因為便宜到這個價錢，所以每個星期六日都排長龍，他們上菜的速度好快，好明顯係預先整好的，但係質素都幾好唔錯！我會推介這個溫泉蛋卡邦拿那意大利粉，因為將隻蛋打爛之後撈勻所有嘅白汁同煙肉混合一起來吃真係好鬼入味，雖然係好似好易整，但係$32 已經係我哋所叫嘅最貴嘅東西，怪不得咁鬼多人星期六日都要排隊食啦！我寧願出街食，我唔使洗碗唔使買餸唔使煮才是重點吧！另外白汁焗雞肉通粉亦都好鬼好食，佢哋好鬼多白汁，我哋將啲白汁醬撈埋意粉一齊食仲得，另外Pizza雖然細細，但係全部都係$29 ，點叫都冇得輸，如果你係我你又會點揀呢？