影片
更多
2023-04-11
1177 瀏覽
晏就喺觀塘揾食，見到呢棟有好多餐廳既大廈，就決定入去揾好嘢食。咁啱見到呢間嘢好多人排，就決定一試。去到見到menu上有好多唔同既嘢食，但價錢都落於平均五十至六十蚊，涷飲唔洗加錢。作為食肉獸既我決定叫個扒餐黎試。首先上左既係蒜蓉包同湯。忌廉湯有少量三文魚，飲落正正常常。蒜蓉包幾脆，食落蒜味都足。之後上左塊扒，餐牌上就寫7oz，對翻就差唔多200g，用叉吉一吉，稱起佢都幾有份量，冇偷工減料。賣相都唔差，上色上得幾好。味道方面咬落去唔靭，唔會好似牛肉乾咁，而且都幾juicy。但個橫切面睇落就似介乎七成至全熟，有少少失望。牛扒表面咬落脆口，食落都夠香，明顯煎既温度夠高，同時做到梅納反應同焦糖化。飯既質素可以接受，冇過生亦冇過冧。總括而言，呢個價錢食到塊咁既質素既扒，份量亦唔細，可話絕對抵食。塊扒明顯唔係咩頂級靚扒，但師傅手勢唔錯，都可以話係個唔錯既體驗，會翻嚟再食。價錢: $60
去到見到menu上有好多唔同既嘢食，但價錢都落於平均五十至六十蚊，涷飲唔洗加錢。作為食肉獸既我決定叫個扒餐黎試。
首先上左既係蒜蓉包同湯。忌廉湯有少量三文魚，飲落正正常常。蒜蓉包幾脆，食落蒜味都足。
之後上左塊扒，餐牌上就寫7oz，對翻就差唔多200g，用叉吉一吉，稱起佢都幾有份量，冇偷工減料。賣相都唔差，上色上得幾好。
味道方面咬落去唔靭，唔會好似牛肉乾咁，而且都幾juicy。但個橫切面睇落就似介乎七成至全熟，有少少失望。牛扒表面咬落脆口，食落都夠香，明顯煎既温度夠高，同時做到梅納反應同焦糖化。飯既質素可以接受，冇過生亦冇過冧。
總括而言，呢個價錢食到塊咁既質素既扒，份量亦唔細，可話絕對抵食。塊扒明顯唔係咩頂級靚扒，但師傅手勢唔錯，都可以話係個唔錯既體驗，會翻嚟再食。
價錢: $60
張貼
