日の苑西日式外賣專門店

營業中

休息中

呢間日本菜外賣店成日LUNCH TIME 都會大排長龍，非常受上環打工仔歡迎，皆因佢地嘅食物質素唔錯，價錢相宜（平均$40-50)，而且份量都好足。我今次叫左個韓式雜菜炒豚肉飯，送左個Miso soup。佢個飯有好多好多菜，呢一點對我黎講加好多分。另外佢仲有一隻雞蛋，令成個餐又升上另一個層次，好satiating 的一個餐。我鐘意佢用類似泡菜咁嘅醬去炒D 送，酸酸甜甜咁好特別、好開胃。份量真係好大，對於我呢個都叫大大地食嘅人黎講，我都食唔哂因為加埋個湯真係好飽肚。係附近返工嘅值得試下，因為真係好平民-friendly，而且味道都真心對得起價錢，唔會HEA 你。