十二味不只是烤魚 (已結業)

呢間係聽我為食朋友推介嘅，話又平又好食，咪揸車去食試下。地方都吾算難搵，泊出面路邊就得好方便。入到去，已經成間店都好香麻辣香，引到口水都流，兩人嗌左兩送，兩飯，兩野飲，都，飽到死，食吾晒，最後二百都吾洗，平丫！雖然價錢平，但食物質素都好高嫁，我嗌左麻婆豆腐同左宗唐雞。吾洗好耐就上麻婆豆腐，正到暈，見到外表已好吸引，仲要好大碟，食落好香好麻但吾算好辣，岩晒我，豆腐好滑，加上少少葱花，一食食到辣油豆腐同葱花超級惹味，我同朋友都話呢碟一碟食到一大碗飯，送飯一流。再嚟嘅雞，其實落單前吾知咩叫左宗唐雞，只係嗌左豆腐想嗌返份肉咪食下雞，原來甜甜地辣辣地，好開胃，雞炸過再加上醬，炒埋辣椒，熱辣辣，又係勁大份，好好食，但最後都係食吾晒，大食嘅我地都要認輸了。呢間真冇介紹錯，平靚正，喜歡麻辣朋友可以去食下。