林記茶餐廳 (已結業)

近排洗多左，所以就黎到翠屏邨街市睇下有咩平野食可以醫肚，結果就黎左林記快餐粉麵檔一試，食物價錢真係幾平下，我叫左一份肉醬意粉，而同行友人就要了一客雞翼拼薯條既套餐。環境來說由於係街市內既關係，地板都比較濕滑，行過都要比較小心，但以餐桌及餐具都比想像中潔淨。食物方面就略為遜色，肉醬既味道不夠濃，雞翼煎得不錯，有不少肉汁鹹味適中，唯薯條可能已炸了一段時間，上菜時已經不熱，但埋單計都只係大約$50，這個價格尚可接受。