影片
更多
2011-01-10
181 瀏覽
考考大家數學，"凡惠顧粉麵，加$8可獲油菜一碟，加$7 可獲熱飲一杯。蘇小姐叫左碗$23 魚蛋河，另加$5雙併水餃，又點了一碟油菜，請問張單應該係幾$呢？"唔知點解呢間餐廳的答案係$37。我諗住$1豪俾佢啦，唔好難為侍應阿姐。好快有人送上一碗魚蛋魚皮餃河，內有魚蛋及魚皮餃各三粒。奈何我係唔食魚皮餃的，唯有叫阿姐換番水餃俾我啦。數一數，餃仍有三粒，魚蛋就得番兩粒，我不禁心里埋怨左一句：咁小家架。碗粉味道一般，咪一碗魚蛋水餃河囉。雖然門口招牌話D湯底係鮮魚湯，我就只係食到浸過魚蛋的水的味。湯極少，河極多，食幾啖已經無哂湯，失敗！口寡寡，決定加$7叫杯熱飲。睇到牆上有胚芽好立克廣告，但係價錢係空的。阿姐落完單，自己問左自己一句：「吖，幾錢呢？」之後就響單上寫上$14。我問阿姐，唔係加$7咩？他話：你叫左菜就無得嗌野飲架啦喎。於是，我成功食左一餐貴而唔係好食的午餐，放低左$50大元。會唔會再去食？答案是 NEVER！
"凡惠顧粉麵，加$8可獲油菜一碟，加$7 可獲熱飲一杯。
蘇小姐叫左碗$23 魚蛋河，另加$5雙併水餃，又點了一碟油菜，請問張單應該係幾$呢？"
唔知點解呢間餐廳的答案係$37。
我諗住$1豪俾佢啦，唔好難為侍應阿姐。
好快有人送上一碗魚蛋魚皮餃河，內有魚蛋及魚皮餃各三粒。奈何我係唔食魚皮餃的，唯有叫阿姐換番水餃俾我啦。數一數，餃仍有三粒，魚蛋就得番兩粒，我不禁心里埋怨左一句：咁小家架。
碗粉味道一般，咪一碗魚蛋水餃河囉。雖然門口招牌話D湯底係鮮魚湯，我就只係食到浸過魚蛋的水的味。湯極少，河極多，食幾啖已經無哂湯，失敗！
口寡寡，決定加$7叫杯熱飲。睇到牆上有胚芽好立克廣告，但係價錢係空的。阿姐落完單，自己問左自己一句：「吖，幾錢呢？」之後就響單上寫上$14。我問阿姐，唔係加$7咩？他話：你叫左菜就無得嗌野飲架啦喎。
於是，我成功食左一餐貴而唔係好食的午餐，放低左$50大元。
會唔會再去食？答案是
NEVER！
張貼