楓林小館 (已結業)

尋晚四個人黎食，訂左檯所以好快有檯。但其實都見有空檯，星期六晚都唔爆可能同價錢有關。叫左招牌燒乳鴿，肉鬆生菜包，紅燒豆腐，冬瓜盅同煎藕餅。燒乳鴿上桌皮唔脆，肉味就OK，收$80隻我覺得唔值。生菜包同藕味道唔錯，冬瓜盅亦算足料，紅燒豆腐只係一般，豆腐豆味唔重，我諗山水豆腐可能絕左種啦，叫左兩碗米粉，埋單要成八舊幾，唔值，叫做試過就算啦。