石磨坊 (已結業)

下班後，跟女友到MK 查詢機位後，到這兒涼冷氣、吃冰凍甜品消暑。由於女友從未來過，於是便點選所謂的招牌食品：撈河和刨冰，埋單$57。以環境裝修和食物用料，其實價錢偏高。但因為唔係太趕客，以及食品賣相設計尚見心思，以及冷氣強勁，就打個和啦！杧果撈河粉（$32）：杧果汁濃稠，杧果塊肥美碩大，原個去核去皮，乾淨企理。河粉大概不是一般湯河，應該是加入葛粉、魚膠、或agar agar…等甜品用的爽口澱粉，亦唔starchy or 飽肚，幾好！心思略見，但價錢略貴！椰汁水蜜桃刨冰（$25）：冰柱幾大和硬淨，廿分鐘後仍然未溶到一半，堅！水蜜桃是罐頭貨，味道一般。椰汁可以再多少少。墊底的涼粉粒好爽口。呢個比較一般，可以不試。好處係可以食煙。