薩莉亞意式餐廳 (88廣場) (已結業)

今次去左大埔嘅薩莉亞食lunch。11點幾去到冇乜人，有好多位，不過樓面得1至2個員工，叫人比較麻煩，好彩有鐘禁叫人，方便好多，唔驚店員睇唔到。lunch set有好多選擇，會有無限添飲。我叫左鐵板漢堡加白飯。漢堡好大塊d肉好厚，好抵食，仲好好味，仲有d栗米同薯角，上面有多一塊蛋，好多野食。雖然睇落份量唔多，但會飽腹，但是男生食就未必夠了。另外今次仲叫左雞翼，佢地嘅雞翼有少少辣，唔食得辣嘅人就要諗諗，仲鐘意食辣嘅人就未必夠過隱。