河畔強記雞粥海鮮酒家 (已結業)

由沙田麗豪酒店行過來, 大概只需5分鐘路程, 很就腳, 很方便, 星期日晚上不用等位。原本以為堂食價錢較優惠, 原來外賣乳鴿+雞粥也有$70優惠, 仲平過堂食。叫左晚飯抵食海鮮餐, $148有兩款真係超值, 第一個想食西蘭花帶子花姿, 出去食平時都至少一百啦, 呢度食菜選擇唔多, 呢個好吸引我, 不過黎到發現, 個碟好迷你, 兩個人食都要就住就住, 叫做淺嚐, 不過個味道幾好, 帶子花姿有少少鮮味, 西蘭花亦有鑊氣。另一個揀薑蔥焗鮮蟹, 隻蟹又幾大隻, 算多肉, 調味稍鹹, 亦都可以話惹味, D肉大部分都唔霉, 係有一兩件肉好粉碎, 怪怪地。乳鴿58元, 普普通通, 肉唔算好嫩滑, 脾位好少少, 調味較鹹。仿鮑雞粥$28, 估唔到都幾大窩, 兩個人每人有兩碗, 雞肉係雞件黎, 肉唔算多, 但都有誠意, 粥算綿, 味較清。又真係幾抵食, 可以一試。野食好快送晒上黎, 可能整定晒, 環境比較嘈, 附近有小朋友。