金牌小龍 (已結業)

今日同阿媽去左尖沙咀shopping，雖然堅係超多人，但好彩好快就買完野。呢個時候梗係要搵野食！阿媽麻麻地西餐，所以就搵中式野。望見呢間鋪有小籠包，又有台灣野食，應該岩阿媽食。雞絲粉皮，青瓜仲好新鮮，粉皮都好幼滑，而麻醬又唔會太多，味道又香又唔算濃。元盅雞湯，飲落清得黎好重雞味，亦都唔喊，飲唔出有味精。醉雞，全部都只係得肉無骨，酒味甚濃，冰涼得黎又帶有酒香。台灣甜不辣，其實係炸魚片，新鮮炸出黎面仲脆脆地，啲醬酸酸甜甜的。台式擔擔撈麵，麻醬好香， 無太多既湯，撈完後有啲似麻醬撈麵， 香而不溜，只係稍為辣左少少。蝦肉蒸餃，入面包左蝦同豬肉做餡，有肉味就唔會剩係得蝦味咁寡，而且會更有口感。爆汁牛肉餡餅，入面有飽滿既牛肉餡，同埋仲有好多肉汁喺到，所以食嗰時要小心～酥炸黃花魚，薄薄既一層脆皮食落有如炸魚皮一樣，魚肉一樣照舊鮮甜滑溜。皮唔算薄，但就可以夾上黎唔會串，可以飲返哂入面啲湯，蟹黃味唔太濃烈，味道恰到好處。