豐味車仔麵

營業中

休息中

旺角通菜街有好多食肆選擇，但成條街得呢間《豐味》有車仔麵食，價錢唔貴，三餸$42，四餸$49。仲有酸辣粉食，幾特別。叫左牛筋、魷魚、豬紅、大腸 配河粉牛筋入味，軟綿；魷魚都係普通街市個啲發水魷魚，硬身唔入味，少啲牙力都唔得；豬紅入味，唔會太鬆散亦唔會太鞋；大腸極多肥膏。餐廳用上幼身河粉，有啲似越南河粉個種質感，都算滑身但好散，之前食過一次油麵，好油，而且鹼味較重，整體嚟講佢既麵底係最主要既敗筆，十分需要改善。另外，食完好口渴，味精味重。但佢價錢唔貴，餸既份量同味道都ok，所以想平平地食下車仔麵，都可以一試既。