霸王山莊 (已結業)

果日兩個人去叫左三樣野：黃金蝦 - 成舊水o既黃金蝦，d蝦食落居然無蝦味，淡謬謬！好明顯係用雪藏蝦！而咸旦黃味亦都好淡！如果係收四五十蚊o既話都可以接受，但係收得咁貴都係俾呢d貨就真係離晒大譜！而且大家睇下張相，一d伴碟都無，隻碟白晒晒咁，連賣相都唔掂！京蔥牛肉 - d牛肉一d無牛肉味同肉味都無，唉～～～又係雪藏貨？定係梳打粉太多呢？炒飯 - 呢個炒飯黎果時望落好似幾ok，不過一食就知又出事！又係一d味都無o既！食炒飯食到好似食白飯咁，咁大個人都係第一次！食完呢餐飯，個感覺係唔知食左d咩，一d回"味"o既感覺都無，好似係食左一堆野塞飽左個肚咁，真係食麵包都好味過佢！起碼有味道先啦！所以最後係一毫子貼士都無俾！