影片
更多
2010-12-12
28 瀏覽
是日與朋友一敍,好彩早一日訂咗位,walkin無個入到去,因舖面不大,只有二十幾個位.而大部份食物都在八十元一客內,狂嗌都唔肉痛,由於朋友唔想食蟹,所以無試到,加上得兩個人,所有麵飯都無試,但見到人哋叫啲加拿大蟹大到不得了,人多真係要一試~由於枱較細,所以分咗兩次落單,首先叫咗個中蝦忙果沙律,成碟都係生果,好好味同幾大碟,之後就來翡翠螺,點少少豉油十分好味同彈牙,再來豉椒聖子皇,象拔丰仔就蒜蓉蒸,仲有就係砵酒鮑魚仔,聖子個豉椒我覺得唔夠味,蒜蓉可能會好啲因為個象拔丰做得唔錯,但三樣嚟講我就較鍾意個鮑魚仔,值得推介,上菜速度控制幾好,唔會食唔切又唔會等餐死.跟住落第二次單,見到隔離枱食生蠔先發現頭先唔記得嗌,見佢哋食珍寶蠔好大隻,但到我哋叫時佢話賣晒,咁我就叫咗西非,蘇格蘭同美國,開頭都幾驚啲蠔咁大隻唔好食,但食落好新鮮同價錢唔貴,仲有叫咗琵玭蝦,蒸介蘭同黃金蝦,琵琵蝦多膏多肉都係九十幾蚊,肉好彈牙,蒸介蘭就好清,我都係第一次食,唔錯值得一試,黃金蝦就同一般整法唔同,蝦殼好脆,有咸蛋黃味但好多蛋黃都在碟底,而且好熱,食時要小心,我哋兩個人都食到幾隻,份量三至四人食都可以(食完先記得無影相
是日與朋友一敍,好彩早一日訂咗位,walkin無個入到去,因舖面不大,只有二十幾個位.而大部份食物都在八十元一客內,狂嗌都唔肉痛,由於朋友唔想食蟹,所以無試到,加上得兩個人,所有麵飯都無試,但見到人哋叫啲加拿大蟹大到不得了,人多真係要一試~
由於枱較細,所以分咗兩次落單,首先叫咗個中蝦忙果沙律,成碟都係生果,好好味同幾大碟,之後就來翡翠螺,點少少豉油十分好味同彈牙,再來豉椒聖子皇,象拔丰仔就蒜蓉蒸,仲有就係砵酒鮑魚仔,聖子個豉椒我覺得唔夠味,蒜蓉可能會好啲因為個象拔丰做得唔錯,但三樣嚟講我就較鍾意個鮑魚仔,值得推介,上菜速度控制幾好,唔會食唔切又唔會等餐死.
跟住落第二次單,見到隔離枱食生蠔先發現頭先唔記得嗌,見佢哋食珍寶蠔好大隻,但到我哋叫時佢話賣晒,咁我就叫咗西非,蘇格蘭同美國,開頭都幾驚啲蠔咁大隻唔好食,但食落好新鮮同價錢唔貴,仲有叫咗琵玭蝦,蒸介蘭同黃金蝦,琵琵蝦多膏多肉都係九十幾蚊,肉好彈牙,蒸介蘭就好清,我都係第一次食,唔錯值得一試,黃金蝦就同一般整法唔同,蝦殼好脆,有咸蛋黃味但好多蛋黃都在碟底,而且好熱,食時要小心,我哋兩個人都食到幾隻,份量三至四人食都可以(食完先記得無影相)
整體我覺得食物好新鮮,食落唔會霉,全部都好彈(講咗好多次,因呢個形容詞真係較貼切),證明用料好好,但略兼味道較淡!而舖仔較細,像我遇着有圍十多人真係嘈到死,好似落咗酒吧咁,想傾吓計就有點辛苦,此乃美中不足,但以食物去衡量值得一去再去
其實仲好想試個炒東星斑球同椒鹽賴尿蝦因其他食評都有推介,不過怕食唔晒所以都無叫,等下次再試過,期待佢哋會有更多新菜式,等各同好可多作介紹是次結帳六百五左右,叫咗九樣,仲加埋一,地點在尖東,真係好抵,仲有全程換碟仲茶跟得好足,無錯漏單,good
張貼
