意蠔屋 (已結業)

大圍真係好多唔錯嘅小店，今次依間食西餐，店入面都真係好細，得幾張枱，係有少少逼嘅，但睇餐牌，週末夜晚黎講價錢都算幾親民。揀左個E餐，原本係螺絲粉黎不過可以揀轉意粉或者長通粉！包埋餐湯同餐飲另外有個餐牌包埋兩隻生蠔，唔記得左影不過記得都唔太貴，朋友叫左仲話都唔錯添！叫左忌廉湯不過無影到，好好飲，奶味好重好creamy，加埋磨菇碎粒有口感個長通粉就無乜特別，香草汁味唔太濃，所以味道有啲淡，帶子煮得岩岩好，都有三四粒，整體都唔錯嘅！見隔離枱焗飯幾香，下次去要試下