影片
更多
2019-01-24
201 瀏覽
九龍人表示十年都唔入一次屯門，所以對於屯門有咩好食真係一無所知。係屋企人話年尾要食好D，提議入黎食海鮮先知原來屯門出名食海鮮今次一食真係大開眼界！入到黎附近買左一堆海鮮之後，再黎到呢間餐廳加工。不過我呢D做細嘅就梗係咩都唔駛理，un un 腳等食大餐第一個上菜嘅係呢度嘅招牌豬排。雖然話係入黎食海鮮嘅，但都係要食D肉嘅，而呢度嘅豬排又係大力推介嘅。一食落就明白點解叫招牌，豬排肉超級嫩，唔會食到一條條zip晒係牙度個種。調味又正，唔會太鹹。唔係誇張，係真係從來冇試過係街度食過咁好食嘅豬排作為專業家庭主婦嘅媽咪即刻問係點整，侍應話師傅係人手打出呢個口感出黎，聽到都覺得個加工費值回票價！跟住就到白酒忌廉煮花甲配烏冬底。個人覺得呢個係一個好新穎嘅食法，至少我冇諗過係大排檔feel 嘅餐廳會有咁嘅菜式白酒味超級出！食得出落得好重手，同平時係西餐廳食開個白酒煮意粉嘅級別唔係同一個層次！花甲嘅鮮味冇比忌廉蓋過左，呢個汁配埋烏冬食係一流，夾到停唔到手！呢個薑蔥鮑魚煲又係正！海鮮其實用呢D簡單嘅煮法就已經好足夠，去保留佢本來嘅鮮甜味。鮑魚口感好彈牙，醬汁嘅份量同調味岩岩好，可以襯托到鮑魚自身嘅鮮味。不過個
入到黎附近買左一堆海鮮之後，再黎到呢間餐廳加工。不過我呢D做細嘅就梗係咩都唔駛理，un un 腳等食大餐
第一個上菜嘅係呢度嘅招牌豬排。雖然話係入黎食海鮮嘅，但都係要食D肉嘅，而呢度嘅豬排又係大力推介嘅。一食落就明白點解叫招牌，豬排肉超級嫩，唔會食到一條條zip晒係牙度個種。調味又正，唔會太鹹。唔係誇張，係真係從來冇試過係街度食過咁好食嘅豬排作為專業家庭主婦嘅媽咪即刻問係點整，侍應話師傅係人手打出呢個口感出黎，聽到都覺得個加工費值回票價！
跟住就到白酒忌廉煮花甲配烏冬底。個人覺得呢個係一個好新穎嘅食法，至少我冇諗過係大排檔feel 嘅餐廳會有咁嘅菜式白酒味超級出！食得出落得好重手，同平時係西餐廳食開個白酒煮意粉嘅級別唔係同一個層次！花甲嘅鮮味冇比忌廉蓋過左，呢個汁配埋烏冬食係一流，夾到停唔到手！
呢個薑蔥鮑魚煲又係正！海鮮其實用呢D簡單嘅煮法就已經好足夠，去保留佢本來嘅鮮甜味。鮑魚口感好彈牙，醬汁嘅份量同調味岩岩好，可以襯托到鮑魚自身嘅鮮味。不過個人覺得薑蔥先係呢味餸嘅精華，入晒所有醬汁同鮑魚味，大家都係度搶食薑蔥
扇貝係食海鮮必叫嫁啦！蒜蓉粉絲蒸大扇貝係扇貝最好食嘅煮法！扇貝超大隻，上面嘅蒜蓉完全唔吝嗇，岩晒我呢D重口味嘅蒜蓉愛好者粉絲份量都好多，蒜蓉嘅味落到粉絲同埋扇貝度真係超香，真係一落打呢篇食評一路湧緊D口水出黎
蒜蓉炒豆苗唔好睇少，炒得好到位，唔會老！用黎解膩岩晒！
真心好推介大家去食，樣樣野都好好食！已經好期待下次再去開大餐
張貼
