麻辣妹 (已結業)

我都幾鍾意食麻辣野，見到街口擺住個麻辣妹既易拉架，價錢唔太貴，於是就行去睇下門口放住左屏風，應該係想比返d私隱度客人，唔使比路過既人望住自己食野👍🏻👍🏻好搞笑既坐椅😂😂😏😏其實最吸引我黎呢度既原因係呢個黃金皮蛋，因為好少地方食到，少少流心既蛋黃再加埋上面既秘制涼拌汁，好香好好味叫左個手工涼皮，涼皮好滑，同出面食既口感好唔同，同埋佢唔會勁碎，醬汁都做得唔錯小食都可以揀雙併，岩哂想試多幾款口味既我，麻辣雞翼併豬腸，雞翼同豬腸都係滷水，然後再因應自己可以食既辣度黎落單，我地叫左微辣，估唔到滷水再加麻辣又幾夾，而且份量都幾多涼伴蓮藕併木耳，呢個醬汁味道都幾好，又係會令人想繼續食落去叫左2碗麻辣燙，一碗辣，一碗唔辣湯底做得唔錯，餸菜吸收哂湯既味道，都幾好食總括食物質素幾好，價錢唔貴，性價比高，服務又好，店員都好Nice，會主動向我地介紹餐版上既食品！