佐賀山田 · 涮涮鍋 (已結業)

放題有唔少套餐揀，我哋揀咗$319/位嘅美牛三重奏。牛肉有美國SRF和牛、極品美國牛小排、美國CAB牛坑爪。湯底揀咗鴛鴦鍋：日本櫻花蝦沙嗲湯、昆布鰹魚清湯。沙嗲湯唔會太濃味，都幾香。鰹魚清湯淥牛肉可以食到肉嘅原味。套餐嘅肉味道都唔錯，個人推介牛小扒。呢度用QR code落單，點咗醬爆瀨尿牛丸、豬肚、日本廣島蠔、北海道帆立貝、海虎蝦、蟹籽墨魚滑。瀨尿牛丸好Juicy，一咬開真係爆曬汁。我較喜歡海蝦，幾爽口。另外出邊自助區仲有唔同嘅蔬菜、丸類、麵類、飲品、甜品、醬油。放題90分鐘，真係要快快食，食個夠本。