影片
更多
2022-09-04
113 瀏覽
葵廣出名掃街，但係行完街攰攰地會想坐低食嘢，喺商場2樓天橋行落去，球場對出嘅信芳街有好多餐廳，今次朋友就帶咗我去呢間泰星匯食泰國菜，裝修擺設同九龍城傳統泰國菜餐廳好相近，睇得出有啲歷史，應該係老字號，有好多街坊幫襯買外賣！食物味道係正宗泰國菜風味，份量多價錢又親民！Menu有10幾20頁，每頁都有20幾種食物選擇，花多眼亂！個冬蔭功明爐魚真係好好食，短期內想再去encore!➺➺冬蔭功明爐鱸魚（炸）$178最近多咗食烤魚，但係未試過食冬蔭功湯底，自己好鍾意飲冬蔭功湯，呢個酸辣味啱啱好，非常惹味，雖然見唔到有海鮮，但係應該本身有用海鮮熬製，因為幾鮮甜，自己飲咗幾碗，飲唔停！啲配菜入晒味，充滿冬蔭功味道！條鱸魚都幾大條，食唔到有骨，肉質結實，一起就一大塊肉！外皮炸到金黃色好香口！最後清晒，連湯都唔放過！➺➺泰式拼盤（細） $65有4款8件小食，炸蝦餅、炸魚餅、炸雞翼、炸春卷，全部都係炸好邪惡，但永遠都係最好食嘅！啱晒乜都想試吓嘅我！小食仲內有乾坤，魚餅入面加入咗青豆、春卷入邊嘅粉絲用咖喱炒過！➺➺柚子沙律$88係傳統泰國餐廳嘅味道，酸辣味道突出！柚子一大塊一大塊，依家係當造季節，好甜，又有
➺➺冬蔭功明爐鱸魚（炸）$178
最近多咗食烤魚，但係未試過食冬蔭功湯底，自己好鍾意飲冬蔭功湯，呢個酸辣味啱啱好，非常惹味，雖然見唔到有海鮮，但係應該本身有用海鮮熬製，因為幾鮮甜，自己飲咗幾碗，飲唔停！啲配菜入晒味，充滿冬蔭功味道！條鱸魚都幾大條，食唔到有骨，肉質結實，一起就一大塊肉！外皮炸到金黃色好香口！最後清晒，連湯都唔放過！
➺➺泰式拼盤（細） $65有4款8件小食，炸蝦餅、炸魚餅、炸雞翼、炸春卷，全部都係炸好邪惡，但永遠都係最好食嘅！啱晒乜都想試吓嘅我！小食仲內有乾坤，魚餅入面加入咗青豆、春卷入邊嘅粉絲用咖喱炒過！
➺➺柚子沙律$88係傳統泰國餐廳嘅味道，酸辣味道突出！柚子一大塊一大塊，依家係當造季節，好甜，又有少少天然澀味！
➺➺泰式炒金邊粉$68份量好多，成座小山丘咁，性價比好高！粉條好有嚼頭，一啖咬落去食到甜甜嘅醬油味，之後又食到鹹鹹地嘅魚露味、少少嘅辣味等，口感豐富！
➺➺泰式奶茶$22正宗泰式奶茶要夠甜夠多冰，呢杯恰如其份！仲勁大杯！
➺➺珍多冰$25
好香椰漿味，仲有好多綠色粉條，成個甜品咁！
**免加一服務收費
張貼
