炊豕店 (曉悅) (已結業)

滷水豬軟骨飯，入邊配菜有青菜蘿蔔同埋蓮藕。豬軟骨滷得超級冧超級入味，係骨嘅部份好似花膠嘅質感，用黎餸飯真係一流👍🏻👍🏻其他配菜都唔錯，可以用來中和返豬軟骨嘅油膩。另外加咗滑蛋，$10，份量好夠，比想像中多，炒得都okay。排骨米線，個豬扒好大份，切開有六至七件，外層好鬆脆好香口，另外仲加咗塊厚五餐肉，加$10，有成2至3cm厚，一啖咬落去，非常滿足，亦都好邪惡。胡椒湯米線都唔錯。價錢非常親民，而且份量幾多，好抵食。