高麗韓國餐廳 (已結業)

黎到北角想食韓燒，就試下呢間開左好耐既韓國餐廳。地點都唔算易揾，入到去好有舊式韓國風味，好香燒肉味!2個人叫左4人餐，因為有6款肉揀，揀左青口，羊肉，雞肉，牛肋骨，豬腩肉，魚，每位跟1碟芝麻油鹽醬，韓式甜醬油，有6款前菜小食，跟4個飯4個湯，可以後上或免上。韓國真露燒酒，配燒肉最正，但因為有湯，1個人飲唔哂1樽。6款前菜小食，全部凍盤，韓國泡菜唔錯唔太辣，甜醬薯仔好軟熟香甜，甜魚仔乾好味，芽菜好香芝麻油香味。上羊肉時，服務員講左係牛，然後食落都似牛，服務員話因為用左韓式醬所以冇左羊so味，青口幾鮮甜好味，雞肉燒出黎好多汁嫩滑，羊肉真係冇乜so味，不過好多肉碎，魚好香滑多汁，有機會再黎試下其他菜式。