Chang Thai Restaurant & Bar (裝修中)

Chang thai restaurant & Bar環境幾有情調！燈光暗暗地幾有氣氛。menu幾多選擇，而且價錢都親民。泰式奶茶，茶味甘香帶點甜，茶既香味獨突，質感幾滑身，消暑解渴。冬陰功炒飯，飯粒粒粒分明，味道唔會太辣，但又帶惹味感。配料有大蝦，青口， 魷魚等等，泰式風情湧現！泰國豬肉碎生菜包，size好多夠大份！豬肉碎 keep到 juicy感覺。用生菜包住食，清新得黎又夠香。好好食又夠味， 香茅既味道好突出，非常加分。酸辣慢煮魷魚，泰式香草汁味道偏辣，為味蕾帶上刺激感， 魷魚質地彈牙鮮味！醬汁惹味香濃襯托得到位。