OBC Grill (已結業)

最近Hku開咗間買漢堡包嘅canteen，見到好多人食， 所以好奇之下就諗住嚟試下咩味道。 一入到嚟就畀價錢牌嘅價錢驚嚇咗， 因為基本上食個餐要成60蚊，作為一間大學嘅canteen，野食嘅價錢唔應該係咁昂貴， 即使港島嘅物價高，但價錢都唔應該以出面食肆作為準則， 參考返其他大學canteen，其實一個餐都係20蚊到...唔知點解港大特別貴。 不過最鍾意好奇心之下，我都叫係叫咗個餐嚟食。老實講我覺得其實嗰餐幾好食， 嘢食嘅質素係喺普通快餐店水準之上， 薯條唔會油淋淋漢堡包嘅漢堡亦都好多汁，味道很好。 但考慮到性價比方面， 個人覺得如果呢個餐以40蚊以下價錢去買出嚟就會相當吸引，可惜60蚊真係令叫呢個餐意欲大減。