華小料理屋 (已結業)

之前成日喺銅鑼灣行過嘅時候，都好想試呢一間野，今次終於試到佢個午餐。佢個午餐menu選擇有好多個餐，選擇好多，好吸引咁。想講感覺唔係太好嘅係，一坐低店員就不停推介嗰啲幾千蚊嘅二人餐，但係第一次嚟食，梗係試吓啲午餐先啦。都已經唔係好想聽佢講嘢，店員仍然不停介紹叫人試佢嘅二人餐。最後當然都係叫番兩個午市套餐。午市套餐介乎二三百蚊左右，有麵豉湯、前菜、沙律、茶碗蒸。刺身如圖所見，唔算大塊，唔厚身，較為瘦削。食落亦不是特別出色，鮮味不太夠。牛肉壽喜燒牛肉有3-4塊左右，嫩，亦幾香牛味。湯底算清甜，多菜。沙律普通，冇乜醬汁。前菜是牛蒡絲，味道不錯。茶碗蒸，不太好吃，沒有蛋味，很淡，料亦冇乜。餐飲甜品北海道牛乳布丁，味道不錯總結價錢偏貴，味道一般，店員態度亦一般。