影片
更多
2019-08-26
841 瀏覽
YMT都有好高質嘅茶記點心～位置近旺角鬧市點心中西合壁，即叫即蒸，等候約10至20mins即熱辣辣上枱水準唔差，幾足料之餘，賣相都討好，價錢幾平，算幾良心啦！流沙奶黃西多士 $22佢將西多士炸到金黃色，色澤金光璀璨勁吸睛，切落去…奶黃色的餡料就湧出嚟，超有視覺效果！奶黃味香甜，似係鹹蛋黃味，似食流沙奶黃包西多士外面香脆可口，內心勁軟綿綿，奶黃餡料喺口腔溢出，蛋黃味香濃餡料唔算太甜，有層次感銀津蝦餃皇 $3232蚊4隻幾足料....平均都係8蚊隻，隻隻都飽滿…每隻有大概3至4隻蝦，算幾有誠意蝦肉爽口彈牙，雪白外皮幾煙靭，似Mask咁薄，真係皮薄餡靚香滑牛肉腸 $22由純白腸粉皮透出牛肉餡，餡料充足，分成3等份，每份都有幾乎相等份量嘅餡料，真係啖啖肉！腸粉皮幾軟滑，一夾落去無碎開，夠晒滑溜甜豉油係腸粉點睛之筆，好鮮甜荷葉蒸飯 $30用荷葉炊成嘅蒸飯有荷葉香，炊得軟硬適中，蒸熟後每粒飯粒都粒粒分明，吸收咗荷葉香，仲有2隻大蝦，一籠其實都夠飽肚啦蟹籽燒賣王 $31上面有蟹籽，豬肉&蝦肉比例均勻，蝦肉爽口鮮甜，唔使蘸豉油/辣醬都得鮑汁鳳爪 $30算係份量適中同吸收到鮑汁，伴菜嘅花生較吸收鮑汁，不
水準唔差，幾足料之餘，賣相都討好，價錢幾平，算幾良心啦！
流沙奶黃西多士 $22
佢將西多士炸到金黃色，色澤金光璀璨勁吸睛，切落去…奶黃色的餡料就湧出嚟，超有視覺效果！
奶黃味香甜，似係鹹蛋黃味，似食流沙奶黃包
西多士外面香脆可口，內心勁軟綿綿，奶黃餡料喺口腔溢出，蛋黃味香濃
餡料唔算太甜，有層次感
銀津蝦餃皇 $32
32蚊4隻幾足料....平均都係8蚊隻，隻隻都飽滿…每隻有大概3至4隻蝦，算幾有誠意
蝦肉爽口彈牙，雪白外皮幾煙靭，似Mask咁薄，真係皮薄餡靚
香滑牛肉腸 $22
由純白腸粉皮透出牛肉餡，餡料充足，分成3等份，每份都有幾乎相等份量嘅餡料，真係啖啖肉！
腸粉皮幾軟滑，一夾落去無碎開，夠晒滑溜
甜豉油係腸粉點睛之筆，好鮮甜
荷葉蒸飯 $30
用荷葉炊成嘅蒸飯有荷葉香，炊得軟硬適中，蒸熟後每粒飯粒都粒粒分明，吸收咗荷葉香，仲有2隻大蝦，一籠其實都夠飽肚啦
蟹籽燒賣王 $31
上面有蟹籽，豬肉&蝦肉比例均勻，蝦肉爽口鮮甜，唔使蘸豉油/辣醬都得
鮑汁鳳爪 $30
算係份量適中同吸收到鮑汁，伴菜嘅花生較吸收鮑汁，不過略嫌唔夠味
椰皇燉奶 $38
椰皇燉奶係限量發售，用原盅椰皇盛載燉奶，甜度適中，但係我食到底有啲奶仲未凝固好
食完燉奶可以食埋少少椰皇肉，椰皇肉清甜可口，解咗燉奶嘅甜味
樽仔奶茶 $23
樽仔奶茶&咖啡係店舖推介，即管試試，外形似足燈膽，相機食先嘅朋友就啱晒
我試咗香滑奶茶，係滑嘅，但唔夠傳統咁滑，有啲太甜……
張貼
