LA Restaurant & Dessert Bar (已結業)

次次去到旺角都會好煩惱究竟食咩好，因為實在太多嘢食。朋友話想食西餐，咁我就記得前排去過呢間Cafe，價錢平之餘，啲嘢食仲要非常好食，咁就帶佢嚟試吓啦。我就唔食蒜蓉包嘅，但係朋友話呢個蒜蓉包整得非常好食，比起好多連鎖餐廳更加好食。而我就覺得呢個忌廉湯好足料，而且飲落唔會太膩，反而有啲開胃。上次黎食過牛扒好高質，不過今次呢個朋友唔食牛嘅，侍應就推薦左我哋呢個豬扒，估唔到真係同牛扒一樣咁好食。佢食落唔會好硬，豬扒竟然會有啲鬆化嘅感覺，而且佢嘅調味整得啱啱好，食落好香。之前試過意大利飯好好食，咁今次我哋就叫咗個帶子墨魚汁意大利飯，佢嘅帶子超大粒，煎得啱啱好，面頭有少少脆但又唔會太熟，真係好正啊。而佢嘅飲品都幾有特色，我就叫咗個奇異果牛奶。飲落又清新又開胃，而且又唔會太甜，啱晒女仔飲。呢間餐廳又抵食又高質，以後嚟旺角就唔使煩惱啦。