漢斯 (已結業)

朋友介紹話漢斯d叻沙好好味，我一直想食叻沙好耐，所以同屋企人星期日一心由西環坐丁丁到東面，點知自己放假太晏起身，去到已係下午茶時間，原來下午時段師傅中場休息，所以無叻沙食。咁唯有叫下午茶餐，我真唔好意思搞到d職員無得休息。下午茶餐有好多選擇，價錢仲好抵，職員服務好好（阻住佢地中場休息但都好好招呼我地）。餐廳裝潢簡潔，好鍾意佢地牆上的圖案。叫左三個餐，自家製义燒通粉，沙爹牛肉麵，可以加配煎蛋，鮮牛油厚多士，正！！另外，英式早餐all day breakfast，內容好豐富，煎雙蛋，火腿，腸仔，薯餅，番茄豆，多士，咁嘅價錢超抵，大份，抵食推介！！