Simplylife Bakery Cafe

營業中

休息中

平時見依間成日有人排隊，今日終於有機會可以試吓。佢哋嘅午市套餐有好多款選擇，統一價錢$136一份，有餐湯有嘢飲有一份主菜，餐湯可以轉沙律，我自己揀咗蕃茄辣肉腸自家製闊條麵。一開始上咗餐湯先，呢度嘅侍應都幾好人，舉手都好快過嚟，是日餐湯係南瓜忌廉湯，見到佢個湯好濃，飲落都creamy，個湯係高質，個麵包都夠鬆軟，食到小麥味，佢哋嘅麵包好似都係自家製，呢樣我幾欣賞。上主菜見到賣相冇預期中咁好有啲失望。碟闊條麵有點水，唔太結身，而且辣肉腸完全見唔到，淨係見到肉碎，而且冇辣嘅感覺，唯一想讚下嘅係個自家製闊條麵真係同平時超級市場買嗰啲唔同，食落好煙韌。最後碗冰茶又冇飲管，可能想環保，但係如果想環保嘅話點解唔俾鐵飲管，剩係得支鐵匙羹，凍冰冰完全飲唔落口。淨係一個午市套餐埋單連埋+1都要150幾蚊，但質素就冇預期中咁好，有點失望。